வெள்ளைச் சூரியன்

பார்த்துப் பார்த்து,
கேட்டுக் கேட்டு,
நுகர்ந்து நுகர்ந்து,
ஸ்பரிசித்து ஸ்பரிசித்து,
சுவைத்துச் சுவைத்து,

சலித்துக் களைத்து

இளைப்பாறத்துடிக்கும்

புலன்கள் போலவே

தீச்சிவப்பாய் எரிந்து
தங்கத்தகடாய்த் தகதகத்து

இளஞ்சிவப்பில் மினுமினுத்துக்
களைத்துப்போனதொரு மாலை

வெள்ளைச் சூரியன்.

புனரமைப்பு தேவைப்படுகிறது.
புலன்களுக்கும்
சூரியக்கோளுக்கும்.


(கத்தார் - சவூதி நெடுஞ்சாலைப் பயணமொன்றில் மறைந்துவிடத் துடித்த சூரியனை கார் கதவின் கண்ணாடி கூடத் திறக்க நேரமின்றி எடுத்த புகைப்படம்...)